Copenaguen

Article on other languages:

Copenaguen
Seu d'o conzello de Copenaguen
Seu d'o conzello de Copenaguen
Nombre ofizial København
Estato  Dinamarca
Amt -
Comuna Copenaguen (København)
{{{tpmonezipio}}} {{{monezipio}}}
Codigo postal {{{cp}}}
Superfizie 526 km²
Altaria {{{altaria}}} m.
Distanzia {{{distanzia}}} km á [[{{{ta}}}]]
Poblazión 502.204 ab. (2004)
Densidá 954 ab./km²
Chentilizio {{{chentilizio}}}
Ríos {{{ríos}}}
Pachina web http://www3.kk.dk/
Localizazión de Copenaguen

Copenaguen ye a ziudá prenzipal e más antiga d'o Reino de Dinamarca, e la capital d'o Estato danés. Ye debez o nombre d'a kommune (u monezipio) en a que se troba. Tamién un d'os amter u redoladas de Dinamarca se clama Redolada de Copenaguen (Københavns Amt), pero ni la ziudá ni o monezipio de Copenaguen fan parte d'ixa redolada.

Copenaguen ye a seu d'o Parlamento, d'o Gubierno e d'a Monarquía danesa, instituzions ubicatas en o zentro d'a ziudá.

Contenius

Nombre d'a ziudá

Puerto de Copenaguen.

O nombre autoctono d'a capital danesa, København, prozede de l'antigo nombre Købmandshavn, que en danés sinifica "puerto de mercaders", o que da ideya d'a suya posizión estratechica en o mar Baltico.

O nombre d'a ziudá en a mayoría d'idiomas europeus deriba d'a denominazión alemana, Kopenhagen. Asinas, l'anglés Copenhagen, o español e franzés Copenhague, o catalán Copenhaguen, o italiano Copenaghen u lo portugués Copenhaga.

Cheografía

Copenaguen se troba prenzipalmén en a costa oriental de l'isla de Zelandia u Sjælland, con una parte d'a ziudá sobre l'isla d'Amager. Enta l'Este, Copenaguen acara l'Øresund, o estreito de mar que desapara Dinamarca de Suezia, e que achunta lo Mar d'o Norte con o Baltico.

En a costa oposata, se troban as ziudaz suecas de Malmö e Landskrona.

O monezipio de Copenaguen ye, chunto con o de Frederiksberg e o de Bornholm, un d'os tres que no pertenexen á garra redolada de Dinamarca.

A ziudá de Copenaguen se trestalla en 15 destritos clamatos bydele.

Copenaguen fa tamién parte d'a conoxita como rechión de l'Øresund, que abraca tota la parte oriental d'o Sjælland, en Dinamarca, e la parte ozidental de Escania, en Suezia.

Poblazión

L'aria metropolitana de Copenaguen, o Storkøbenhavn, conta con 1.116.979 d'abitadors. D'éls, 502.204 residen en o monezipio de Copenaguen, 91.721 en o monezipio de Frederiksberg, 68.704 en o monezipio de Gentofte e 454.350 en belaltros monezipios amanatos.

Nyhavn, Copenaguen

A rechión de l'Øresund conta, en chunto, con 2.800.000 d'abitadors.

Istoria

Copenaguen fue fundata probablemén ta l'año 1000 per Svend I e lo fillo suyo, Canut O Gran. Estió sólo que un lugar de pescataires dica la metá d'o sieglo XII, cuan se tornó más importán en prener-ne posesión o bispe Absalón, que la fortificó en 1167. O sobrebuen puerto aduyó ta o creximiento de Copenaguen, fendo-ne un gran zentro de comerzio en o norte d'Europa, o que daría o nombre á la ziudá. Ixo tamién contrebuyó á continos ataques per parte d'a Hansa u Liga Anseatica.

De l'año 1658 á lo 1659, fue sitiata per os suecos en o reinato de Carlos X. En 1801, os barcos britanicos de l'almirán Parker combatioron cuentra l'armata danesa en o puerto de Copenaguen en a que se conox como Batalla de Copenaguen. En 1807, a ziudá sofrió grans daños e zentenars de personas morioron en estar Copenaguen bombardeyata con codetes Congreve per parte d'os britanicos á fin que Dinamarca no reblase debán d'a flota de Napolión.

En a Segunda Guerra Mundial, Copenaguen e Dinamarca entera fueron ocupatas per tropas alemanas entre lo 9 d'abril de 1940 dica lo 4 de mayo de 1945. De l'inte que remató la guerra, a ziudá no ha dixato de crexer.

Dende lo berano de 2000, as ziudaz de Copenaguen e Malmö son comunicatas per un puen de peache, o Puen de l'Øresund, que premite de cruzar de Dinamarca ta Suezia igual per carretera como per ferrocarril. Fue enguerato en chulio de 2000 per o rei Carlos XVI Gustau de Suezia e a reina Margarita II de Dinamarca. En consecuenzia, Copenaguen ha esdebenito lo zentro d'un aria metropolitana que abraca las dos nazions.

Bels puestos d'interés

Enlazes esternos

 Se beigan as imachens de Commons sobre Copenaguen.
Otenito de "http://an.wikipedia.org/wiki/Copenaguen"

This article is from Wikipedia. All text is available under the terms of the GNU Free Documentation License.