Article on other languages:
- Aries
- برج_الحمل
- Aries
- Сузор'е_Авен
- Овен_(съзвездие)
- Àries
- Souhvězdí_Berana
- Vædderen
- Widder_(Sternbild)
- Κριός_(αστερισμός)
- Aries_(constellation)
- Ŝafo_(konstelacio)
- Oinas
- Bélier_(constellation)
- An_Reithe
- Aries
- טלה_(קבוצת_כוכבים)
- Ovan_(zviježđe)
- Kos_csillagkép
- Aries
- Ariete_(costellazione)
- おひつじ座
- ვერძი_(თანავარსკვლავედი)
- 양자리
- Aries_(sidus)
- Aries_(Stärebild)
- Avinas_(astronomija)
- Auns_(zvaigznājs)
- Ram_(sterrenbeeld)
- Vêren
- Aret_(constellacion)
- Gwiazdozbiór_Barana
- Aries
- Berbecul_(constelaţie)
- Овен_(созвездие)
- Súhvezdie_Baran
- Oven_(ozvezdje)
- Väduren_(stjärnbild)
- กลุ่มดาวแกะ
- Koç_(takımyıldız)
- Овен_(сузір'я)
- حمل_(مجمع_النجوم)
- Bạch_Dương_(chòm_sao)
- 白羊座
 |
|
| Alcorzamiento | Ari |
| Simbolo |  |
| Chenitibo | Arietis |
| Sinificato en aragonés | o mardán |
| Aszensión reuta | 3 h |
| Declinazión | 20° |
| Bistero ta latituz | entre -60° e +90° |
| Millor bisibilidá en | abiento |
| Aria total | 441 graus cuadratos |
| Lumero d'estrelas con magnitú aparén < 3 |
2 |
| Estrela más luminosa - Magnitú aparén |
Hamal (α Ari) 2.0 |
| Plebia de meteoritos | |
| Constelazions con que muga | |
Aries (o mardán) ye una de as constelazions de o zodiaco, situata entre a constelazión de Piszis á l'Ueste e a de Tauro á l'Este.
Contenius |
Carauteristicas
As estrelas d'Aries no son guaire luminosas, fueras de Hamal (α Arietis) e Sharatan (β Arietis).
Ochetos
Os pocos ochetos de o zielo prefundo d'Aries tampoco no brilan guaire. Abracan as galacsias NGC 697 (á lo Norueste de β), NGC 772 (á lo Sureste de β), NGC 972 (en l'anglo á lo Norte de a constelazión) e NGC 1156 (á lo Norueste de δ).
Mitolochía
Si s'encluyen as estrelas más esmortexitas, bisteras á güello umano, o conchunto se retraye á la capeza d'un mardán.
En a mitolochía grieca, s'identificaba con o mardán que portó á os fillos d'Atamán, Fricso e Ele, ta la Colquida, fuyindo asinas de a suya madrastra Ino. Ele cayó en o mar que más tardi lebaría o suyo nombre, Mar d'Ele u Elesponto. Malas que i plegó en un puesto ya seguro, Fricso sacrificó lo mardán e en pinchó lo pellón en una carrasca de a selba d'Ares, an se tornó d'oro, estando dimpués a razón de o biache de Chasón e os argonautas. Parex que as antigas zebilizazions de Babilonia, Grezia, Persia e Echipto s'enzertoron en dar á ista constelazión o nombre d'un mardán.
L'aria de o zielo que abraca la constelazión d'Aries, con parti de as de Piszis, as Crapetas e Andromeda, podrían estar l'orichen de o mito de o zenturón d'Ipolita, que ye parti de os doze treballos d'Eracles.
Astrolochía
En l'astrolochía ozidental, o sino d'Aries (21 de marzo-19 d'abril) ye asoziato con o elemento de o fuego; ye, pues, un de os tres sinos de fuego, chunto con Sachitario e Leo. En Aries tien o suyo domizilio Marte e a suya esaltazión o Sol. Ye un de os cuatre sinos cardinals, chunto con Libra, Capricornio e Cánzer. O suyo oposato ye Libra. D'entre as partis de o cuerpo, Aries gubierna la capeza.
As cualidaz que os astrologos acostumbran á acumular-li son os d'un caráuter emprendedor, empulsibo, optimista e apasionato, debez que autoritario, muito atribito, inchenuo e egozentrico.