Albania

Poll without page-refresh

Article on other languages:


(En detalle)	(En detalle)

Lema nazional: Feja e Shqiptarit eshte Shqiptaria

Inno nazional: Hymni i Flamurit («Inno á la bandera»)

Capital
• Poblazión
• Cordenadas Tirana
353.400 (2003)
41°20′ N 19°48′ E

Presidén
Primer menistro

Republica parlamentaria
Bamir Topi
Sali Berisha

Independenzia
• Calendata D'os Imperio Otomano
28 de nobiembre de 1912

Superfizie
• Total
• % augua
Mugas
Costas Posizión 139º
28.748 km²
4,7%
720 km
362 km

Poblazión
• Total
• Densidat Posizión 126º
3.582.205 (2003)
125 ab./km²

PIB (PPA)
• Total (2005)
• PIB per capita Posizión 112º
18.933 millons US$
US$ 5.323

Moneda Lek (Lk, ALL) = 100 qindarka

Chentilizio Albanés, albanesa

Zona oraria
• en estiu UTC+1
UTC+2

Dominio d'Internet .al

Codigo telefonico +355

Prefixo radiofonico ZAA-ZAZ

Codigo ISO 008 / ALB / AL

Miembro de: ONU, OSCE

Albania ye un país mediterranio d'o sureste d'Europa. Muga con Montenegro á lo norte, Serbia (Kosobo) á lo noreste, Mazedonia á l'este y Grezia á lo sur, tien una costa en o mar Adriatico á l'ueste frente á Italia y atra en o mar Chonico á lo surueste.

A nazionalidá mayoritaria ye l'albanesa. Esisten minorías arrumana, mazedonio-eslaba (en l'este), y grieca (en l'Epiro).

Istoria

Sieglo XX

A istoria moderna d'Albania encomienza cuan ista emerche estrematament sozdesembolicata dimpués d'a Primera Guerra Mundial. Ta par d'alabez Albania yera o fogar d'una mica menos d'un millón de presonas dibiditas en tres grupos relichiosos y dos grupos sozials: aquéls que yeran siñors d'a tierra y esfendeban os suyos dreitos semifeudals, y aquéls que no en yeran. Os primers siempre tenioron o control d'os puestos de poder n'o zentro y sur d'o país; por consiguient, esperaban de mantener os suyos pribilechios malas que Albania estase independient. A mayoría d'a poblazión eba encomenzato á custionar a situazión. Además, cuasi tota l'aristocrazia terratenient yera musulmana, asinas como a mayoría d'os ofizials y funzionarios publicos entrenatos por l'almenistrazión de l'Imperio Otomán. En consecuenzia, a mayoría d'os puestos almenistratibos de toz os nibels yeran controlatos por os albaneses musulmans.

De 1928 á 1943, Albania estió una monarquía, con dos reis: Ahmed Zogú, autoproclamato rei como Zog I (1928-1939) y Bitor Manuel III, rei d'Italia, dimpués d'a embasión italiana en 1939, dica a redota d'os italians en a Segunda Guerra Mundial.

En 1941 s'establió o Partito Comunista d'Albania, que prenzipió a suya luita cuentra os ocupants d'o país: o Terzer Reich alemán y a Italia faxista de Mussolini. Con a retirada d'a Wehrmacht en 1944, o país quedó en mans d'Enver Hoxha, que establió una ditadura comunista. O país dentró en 1955 en o Pauto de Barsobia.

Sin d'embargo, en 1956 o rechimen d'Hoxha, partidario d'o stalinismo, trencó as suyas relazions con a Unión Sobietica dimpués d'una fuerte critica d'Enver Hoxha ta Nikita Kruschov, y o país s'aprocsimó á o Gubierno maoísta de China.

En 1985 murió Hoxha, sustituyito por Ramiz Alia, cuan ya eba prenzipiato a glasnost y a perestroika en a Unión Sobietica. Asinas, en 1992 bi abió en o país as primeras elezions democraticas, que ganó a oposizión, encara que a situazión politica y economica d'o país no ye buena.

O Gubierno albanés ye partidario de que o país dentre en a OTAN, encara que ista organizazión internazional encara no a admeso á o país.

Cheografía

Albania ye un país montañoso (70% d'o territorio). O pico zimero, o mon Korab, tien una altaria de 2.753 m por denzima d'o nibel d'o mar.

A resta d'a superfizie ye composata por bals y planas arguilatas, escasament aprofitables ta l'agricultura en alternar-sen as inundazions con as epocas de sequera.

O río más importán ye o Drini. Con una largaria de 282 km, ye un d'os pocos con un cabal estable tot l'año. Os atros ríos, mesmo beluns como lo Semani o lo Vjosa de más de 160 km, son cuasi xutos d'estiu.

Albania tien 450 km de costa entre o mar Chonico y o mar Adriatico.

Organizazión territorial

Albania aparixe dibidita almenistratibamén en 12 condatos (qark/qarku), tamién traduzitos como prefeuturas (prefekturë/prefektura), cada una d'as cualos contiene barios destritos (rrethe).

Condatos

Os 12 condatos en que ye dibidita Albania son:

Destritos

Cada uno d'os condaus d'Albania ye dibidito á la suya bez en barios destritos u rrethe, fendo un total de 36 en tot o país. A capital, Tirana, tien un estatuto espezial. Os destritos son:

Istoria

Mapa d'os destritos d'Albania entre 1959 y 1991.

Dende a suya independenzia en 1912, Albania ha sufierto dibersas reformas en a suya organizazión territorial. O cambeyo más sinnificatibo se reyalizó en 1991, cuan s'adibioron 10 nuebos distritos á os 26 esistens dende l'anterior reforma de 1959. Dende entonzes se han realizato cambeyos menors dica plegar ta la organizazión territorial autual, de 36 distritos agrupatos en 12 condatos.

Relichión

A Ilesia Ortodocsa Autozefala d'Albania ye una d'as ilesias autozefalas d'a comunión ortodocsa. En 1922, s'eszindió d'a Ilesia Ortodoxa de Constantinoble, anque a suya independenzia no fue reconoxita dica 1937. Estió bitima de duras persecuzions mientres d'a epoca comunista, por l'ateísmo d'o rechimen y porque l'uso d'o grieco n'a liturchia yera beyito como una menaza t'a identidat étnica d'o país por os nazionalismos albaneses.

Cultura

Literatura

O documento más antigo d'a literatura albanesa dica agora conoxito ye d'o 8 de nobiembre de 1462. Ye una formula de batismo creyata por o bispe de Durrës, Pal Engjëlli. Esiste a más un dizionario alemán-albanés que fue escrito por Arnold von Harf en 1497, y o libro impreso más biello, o Meshari, escrito n'o año 1555 por o clerigo catolico Gjon Buzuku.

Bels escritors albaneses son:

Renaximiento nazional

O Meshari.

O sieglo XIX, o sieglo d'os mobimientos nazionals n'os Balcans, se troboron os albaneses sin una tradizión de unidat desembolicata lo largo d'o país. Teneban una luenga y una cultura común pero bi eba una gran mentalidat rechionalista y indibidualista dominata por a supremazía d'os clans y sin un desarrollo d'una conzenzia nazional y sin un esprito d'espontanea rebelión.

N'ista istorica situazión cultural naxió a organizazión idiolochica, melitar y literaria clamata Rilindja Kombëtae (Renaximiento Nazional). Estió inspirata por as ideyas d'o Romantizismo Nazional y alumbramiento, cualos estioron cultibatos entre os zirculos intelectuals albaneses, a mayoría emigratos en bels asentamientos en Italia y os más reziens en Estambul, Bucarest, Sofía y O Cairo.

Mosica

A mosica siempre ha estato un meyo d'esprisión nazional ta os albaneses. A mosica folclorica estió, en parti, aduyata por o gubierno sozialista, que promobeba un festibal mosical cada zinco años en Gjirokastër en o cualo os mosicos debeban espresar o suyo apoyo á os liders d'o partito. Dimpués d'o sozialismo, a Radiotelebisión albanesa creyó en 1995 un festibal en Berat que aduyó á continar con as tradizions mosicals.